Zarur masaliqlar: 200 gr. tvorog, 100 gr. sariyog`, 2 stakan un, yarim stakan shakar, 2 donadan olma, olxo`ri va tuxum, bitta tuxum sarig`i, 4 osh qoshiq vanilinli shakar, yarim choy qoshiq iste`mol sodasi, qand upasi, tuz.
Tayyorlanishi: 1. Mevalarni yarim oy shaklida kichkina qilib to`g`rang.
2. Tuxumni shakar bilan ko`pirtiring. Xona haroratida yumshatilgan sariyog`ni qo`shing. So`ngra tvorogni. Un, iste`mol sodasi va tuz solib xamir qoring.
3. Xamirni 0,5-0,7 sm. qalinlikda yoying. Vanilinli shakarni seping. Meva bo`laklarini ketma-ketligida joylashtirib chiqib, so`ngra rulet shaklida o`rang. Yuziga tuxum sarig`i surting. 200 darajada qizdirilgan gaz pechida 20-30 daqiqada pishadi. Pishgach, yuziga qand upasi seping.
50 daqiqa.
6 kishilik.
