Gollivud aktrisasining xushbichim ko`rinish siri nimada ekanligini bilasizmi? Biz buni aniqladik! Marhamat, Kameron DIAS ning mashg`ulotlar dasturi bilan tanishing!
1-qadam:
Oyoqlarni elka kengligiga moslang. Asta-sekin pastga engashing. Qo`llaringiz polga tekkach, oyoqni harakatlantirmay, kaftingiz bilan «qadam» tashlang. 3 soniya shu holatda turgach, qaddingizni rostlaysiz. Mashq 10 marta bajariladi.
2-qadam:
Tik turgan holatda gantellarni qo`lga oling. Bir oyoqni yon tarafga yozib, bo`ksa bilan pastga engashing. Bunda qo`llar ham pastga tushiriladi. So`ng yana ko`tarilasiz. Mashq har bir oyoqda 4-5 martadan bajariladi.
3-qadam:
«To`rt oyoqlab» turing. Chap qo`lingizga mashq gantelini olib, o`ng oyoqni tekislang-da, yuqoriga ko`taring. Mashqni bir oyoqda 10 marta bajargach, holatni o`zgartirasiz. Endigi gal o`ng oyoqqa.
4-qadam:
Poldan tortilish mashqini bajaramiz. Bunda ham mashq gantellaridan foydalansangiz, qo`l mushaklariga yuklama tushishi ortadi. Chap qo`lingizdagi mashq gantelini belga yaqinlashtirgan holatda ko`tarib, tushirasiz. Mashqni har bir qo`lda 5 martadan bajarish kifoya.
5-qadam:
Kurakka yotib, tizzalarni buking. Avval o`ng oyoqni yuqoriga ko`tarib, tushiring. So`ng chapini ishga tushirasiz. Mashq har bir oyoqda 6 martadan bajariladi.
6-qadam:
Chap yonboshingizga joylashing. Tana og`irligini tirsakka tashlab, o`ng oyoq va qo`lni yuqoriga ko`taring. Mashqni har bir oyoqda 8 martadan takrorlaysiz.
