Bu haqda 10 may kuni Prezident Shavkat Mirziyoyev tomonidan imzolangan farmonda ma'lum qilindi.
Farmonga ko'ra, ushbu yuksak mukofot unga davlat organlari va jamoat tashkilotlarida ko'p yillik samarali faoliyati, mamlakatda millatlararo do'stlik va totuvlikni mustahkamlash, turli millat va elat vakillari o'rtasida o'zaro hurmat, bag'rikenglik va hamjihatlik g'oyalarini targ'ib etishdagi hissasi uchun berilgan.
Shuningdek, u milliy madaniyatlar, urf-odat va an'analarni rivojlantirish, yosh avlodni vatanparvarlik va sadoqat ruhida tarbiyalash, umuminsoniy qadriyatlarga hurmatni oshirish borasidagi faoliyati hamda ijtimoiy hayotdagi faol ishtiroki uchun munosib deb topilgan.
Mukofot, shu bilan birga, uning 75 yoshlik tavallud sanasi munosabati bilan ham berilgan.
Hozirda Rahmatulla Jabborov O'zbekiston qirg'iz milliy madaniy markazi raisi sifatida faoliyat olib bormoqda.
