Angren shahrida yosh bolaning itlar tomonidan o‘ldirilgani haqida tarqalgan xabarlar yolg‘on, deya yozmoqda Ekolog.uz.
Haqiqatda bola yiqilib, boshini urib vafot etgan. Shu ortiq feyk xabar boshpanasiz hayvonlarga nisbatan qirg‘in boshlanishiga sabab bo‘ldi.
Angren shahrida yosh bolaning daydi itlari tomonidan o‘ldirilgani haqidagi xabarlar o‘z isbotini topmadi. Bolajon haqiqatda yiqilib, boshi toshga urilgan. Onasi shunday deydi: “Men o‘ldirilayotgan itlarning gunohini bo‘ynimga tushishini istamayman.”
Rasmiy idoralar itlar tomonidan bola halok bo‘lganini tasdiqlamadi. Agar shunday bo‘lganida, tibbiy ekspertiza xulosasi allaqachon e’lon qilinardi. Shu sababli OAV va blogerlar tomonidan tarqatilgan xabar feyk bo‘lib chiqdi.
Boshpanasiz itlarga nisbatan qirg‘in allaqachon boshlangan. Guvohlarning aytishicha, odamlar tayoq va boshqa narsalar bilan jonivorlarni vahshiylarcha o‘ldirmoqda. Endi esa navbat mushuklarga ham yetgan — ular ham otib o‘ldirilmoqda.
Mutaxassislar shuni ta’kidlaydiki, mushuklar shahar va qishloqlarning sanitari hisoblanadi. Ular yo‘q qilinsa, sichqon va kalamushlar soni ortadi.
Huquq-tartib idoralari, Toshkent viloyati va Angren shahar hokimiyati bu vahshiylikni to‘xtata oladimi?
