Prezident qaroriga muvofiq, taksistlar aylanmadan olinadigan soliqni pasaytirilgan stavkada — 1 foiz miqdorida to‘laydi.
Masalan, haydovchi bir oyda 2 million so‘m daromad qilsa, 20 ming so‘m soliq to‘lashi talab etiladi.
Agar haydovchi onlayn agregatorlar orqali faoliyat yuritsa, soliq daromad o‘tkazilishi vaqtida avtomatik tarzda ushlab qolinadi.
Bunda agregator faqat o‘z platformasi orqali olingan daromadlardan soliq ushlab qoladi. Platformadan tashqarida olingan daromadlar uchun haydovchi soliqni mustaqil ravishda to‘lashi lozim.
