14 oktyabr kuni CAPSAT elita harbiy bo‘linmasi rahbari polkovnik Maykl Randrianiirina mamlakatda hokimiyat harbiylar qo‘liga o‘tganini e’lon qildi. Unga ko‘ra, harbiylar senat, konstitutsiyaviy sud va saylov komissiyasi faoliyatini to‘xtatgan.
Prezident Andri Radzuelin esa o‘z hayoti havf ostida qolgani sababli mamlakatni tark etganini aytgan. Reuters xabariga ko‘ra, u Frantsiya prezidenti Emmanuel Makron roziligi bilan Frantsiya harbiy samolyotida olib chiqilgan.
Madagaskarda noroziliklar 25 sentyabr kuni boshlangan. Dastlab elektrov va suv tanqisligidan norozilik bildirgan fuqarolar keyinchalik siyosiy talablar bilan chiqishgan. BMT ma’lumotlariga ko‘ra, namoyishlar paytida kamida 22 kishi halok bo‘lgan.
CAPSAT bo‘linmasi bugacha ham, 2008 yilda aynan Radzuelin hokimiyat tepasiga kelganida, davlat to‘ntarishida muhim rol o‘ynagan edi. Bugun esa o‘sha bo‘linma yana hokimiyatni egalladi.
