Sobiq deputat, tadbirkor Olim Sulaymonovga jinoyiy ish ochildi. Bu haqda Ichki ishlar bosh boshqarmasi ma'lum qildi.
"Fuqaro, 1964 yilda tug'ilgan Olim Sulaymonov (sobiq deputat)ga nisbatan Jinoyat kodeksining 109-moddasi 2-qismi (qasddan badanga yengil shikast yetkazish) bilan jinoyat ishi qo'zg'atilgan.
U shu kungacha ichki ishlar organlari tomonidan gumonlanuvchi tarigasida bir necha marta chaqiruv qog'ozi orqali rasman chaqirilgan bo'lsa-da, tergovga kelishdan qasddan bo'yin tovlab kelgan. Shunga ko'ra, 14 oktyabr kuni, uni qonuniy asos bilan tergov jarayoniga majburiy keltirish chorasi qo'llanilgan va mavjud jinoyat ishi yuzasidan tergov harakatlari davom ettirilmog'da", deyiladi IIBB xabarida.
Xabarda jinoyat ishi yuritilayotgan vaqtda internet orqali tergov jarayoniga ta'sir o'tkazishga urinish javobgarlikni keltirib chiqarishi haqida eslatib o'tilgan.
