16 avgust kuni Toshkent vaqti bilan soat 04:25 da AQSh va Rossiya prezidentlari Donald Tramp va Vladimir Putin Alyaskadagi Elmendorf-Richardson harbiy bazasida uchrashuv o‘tkazdi.
Sammit chog‘ida Tramp turmush o‘rtog‘i — Melaniya Tramp yozgan shaxsiy maktubni Putinga shaxsan topshirdi. Bu haqda Reuters xabar berdi.
Birinchi xonim maktubda Ukraina urushi davomida Rossiya tomonidan olib ketilgan bolalar taqdiri, ularning noqonuniy assimilatsiyasi va oilalardan ajratilishi haqida qayg‘u bilan fikr bildirgan. Maktubning keyingi taqdiri noma’lum bo‘lib qolmoqda.
2023 yilda Gaagadagi Xalqaro jinoyat sudi Putin va Rossiyaning bolalar huquqlari bo‘yicha vakili Mariya Lvova-Belovaga ushbu bolalarni Ukraynadan olib chiqishdagi ishtiroki uchun hibsga olish bo‘yicha order bergan edi.
Ukraina tomoni 16 mingdan ortiq bola Rossiyaga majburan olib ketilganini qayd etgan.
Tramp ma’muriyati joriy yil 19 mart kuni ushbu bolalarni izlash va Rossiyaning harbiy jinoyatlarini hujjatlash loyihasini to‘xtatgan edi.
Ammo 8 kundan so‘ng Oq uy bu qarorni bekor qilib, bolalar taqdiriga oid ma’lumotlarni qayta tiklashga rozi bo‘ldi.
