Ijtimoiy tarmoqlarda Andijon viloyatida o‘rta yoshlardagi ayolning qonga belangan holda jasadi yotgani tasvirlangan video tarqaldi.
Rasmiy bo‘lmagan manbalarda keltirilishicha, voqea Andijon shahar 3-mikrorayonda kuzatilgan.
Biroq ayol ko‘p qavatli xonadonlarning tepasidan pastga yiqilganmi yoki kimdir qasddan o‘ldirganmi bu bo‘yicha ma’lumot berilmagan.
D.uz holatga aniqlik kiritish maqsadida Bosh prokuratura matbuot kotibi Hayot Shamsutdinov bilan bog‘landi. Unga ko‘ra, holat o‘rganilmoqda.
Bundan tashqari D.uz’ning Andijon viloyatidagi muxbiri holatni o‘rganmoqda. Tez orada voqea yuzasidan batafsil ma’lumot beriladi.
