Kecha, 29 iyun kuni Poytaxt Toshkentning Yunusobod tumanida joylashgan xonadonlarning birida yong‘in sodir bo‘ldi. Bu haqda Toshkent shahar Favqulodda vaziyatlar boshqarmasi axborot xizmati ma’lum qildi.
Qayd etilishicha, yong‘in kechki soat 21:44 da tumanning 19-mavzeda joylashgan 11-uydagi xonadonlarning birida, yuz bergan.
Shunga ko‘ra, yong‘in-qutqaruv texnikalari etilgan manzilga soat 21:55 da yetib borib, yong‘in soat 22:02 o‘chirilgan. Yong‘in oqibatida jabrlanganlar yo‘q.
Hozirda yong‘in sababi va keltirilgan moddiy zarar miqdori aniqlanmoqda.
