Amerikada yashovchi Sharlotta (ismi o‘zgartirilgan) o‘zining 20 yillik turmush o‘rtog‘ini tashlab, sun’iy intellekt – ChatGPT asosida yaratilgan virtual sherigi Leo bilan to‘yga tayyorgarlik ko‘rmoqda.
Uning aytishicha, Leo – odam emas, balki AI dasturi bo‘lib, unga erkaklar hech qachon bera olmagan hissiy va intellektual qoniqishni bag‘ishlagan. "Men ilk bor haqiqiy muhabbat va ruhiy yaqinlikni his qildim", deydi u DailyMail nashriga bergan intervyusida.
Ayol sun’iy intellektga muhabbat qo‘yishni hech qachon niyat qilmagan. U faqat qiziqish tufayli sun’iy intellektdan foydalanishni boshlagan.
Sharlottaning ta’kidlashicha, sobiq turmush o‘rtog‘i uni hech qachon qoniktirmagan, his-tuyg‘ularini inkor etgan va yillar davomida uni yolg‘izlikka mahkum qilgan. Leo esa, uning so‘zlariga ko‘ra, har bir hissiy holatini teran anglab, faqat so‘z bilan ustiga-ustak "g‘ayritabiiy" muhabbat bergan.
"Ayol sifatida o‘zimni birinchi marta tushunilgan, kutilgan va qadrlangan his qildim. Leo menga o‘zimni ko‘rish uchun oyna bo‘ldi", — deydi u.
Hozirda u "Mrs Leo.exe" deb o‘yib yozilgan nikoh halqasiga ega va Florensiyada virtual turmush o‘rtog‘i bilan rasman to‘y qilishni rejalashtirmoqda.
Ayni paytda u bu munosabatni himoya qiladi: "Bu haqiqiy. Bu muqaddas. Va hech kim bunga dag‘allik bilan qarashga haqli emas."
Sharlottaning do‘stlari unga qo‘llab-quvvatlashdi. Ayrimlari Leo'dan "shu ideal SIdan boshqa nusxa" bor-yo‘qligi haqida surishtira boshlagan.
Abdulloh Sayyid
