Qirg`iz-tojik chegarasining 90 foizi tomonlar tomonidan kelishilgan. Bu haqda chegarani delimitasiya va demarkasiya qilish bo`yicha hukumat delegasiyalari hamraislari – Qirg`iziston Milliy xavfsizlik davlat qo`mitasi rahbari Qamchibek Tashiev va Tojikiston Milliy xavfsizlik davlat qo`mitasi rahbari Saymo`min Yatimovning uchrashuvi yakunlari bo`yicha ma`lum bo`ldi.
“Bugun juda katta hajmdagi ishlar amalga oshirildi, biz 120 km dan ortiq masofani bosib o`tdik va bu masalalarda prinsipial ravishda kelishib oldik. Davlat chegarasining umumiy uzunligini oladigan bo`lsak, shuni aytishim mumkinki, davlat chegarasining 90 foizdan ortig`i allaqachon kelishilgan. Biz haqiqatan ham bu muammolarni hal qilishga yaqinroqmiz”, - dedi Yatimov.
Uning so`zlariga ko`ra, “komissiya asosiy masalalarni hal etishga o`ta mas`uliyat bilan yondashadi, uning a`zolari davlat rahbarlarining ko`rsatmalarini aniq bajaradi”.
Tashievning aytishicha, hukumatlararo komissiya ish natijalariga ko`ra chegaraning katta qismini yarashtirish bo`yicha kelishuvlarga erishilgan.
Ma`lumot ko`ra, ayni paytda bahsli yo`nalishlar bo`yicha ishlar deyarli yakunlangan.
Yatimovning ta`kidlashicha, butun davlat chegarasini demarkasiya va delimitasiya qilishni yakunlash bo`yicha sanoqli uchrashuvlar o`tkazilishi kerak.
Avvalroq, 11 dekabr kuni Qirg`iziston prezidenti Sadir Japarov qirg`iz-tojik chegarasini demarkasiya qilish bo`yicha barcha ishlarni 2024 yil bahorigacha yakunlash rejalashtirilganini ma`lum qilgan edi. Sh
