Toshkent shahar hokimligi metroning er usti liniyalari ostidagi tijorat binolarini sotish yoki ijaraga berishini ma`lum qildi.
Hisob-kitoblarga ko`ra, er usti metro liniyalari ostidagi foydalanilmayotgan erlarning umumiy maydoni 100 ming kvadrat metrni tashkil etadi.
Mazkur joylarning kamida 50 foizi tadbirkorlar uchun qo`shimcha daromad nuqtasiga aylanishi va shu orqali aholi farovonligini va hududlardan foydalanish samaradorligini oshirishga xizmat qilishi mumkin.
Ta`kidlanishicha, ilgari bu hududlarda bolalar o`yin maydonchalari, sayr qilish uchun hududlar yaratilgan bo`lib, ular bolalar, ularning onalari va buvilarining sevimli maskaniga aylangan edi. Qish fasli yaqinlashayotgani munosabati bilan keyinchalik ularda joylashgan do`konlar, qahvaxonalar va o`yin maydonchalari tutash hududlar aholisi uchun yana bir qulay maskanga aylanishi kutilmoqda.
Sinov tariqasida o`tgan yilning o`rtalarida 2-metro bekati yaqinida tijorat binolari ochildi. Loyiha muvaffaqiyatli amalga oshirilgach, uni 3 va 4-stansiyalar oralig`ida — aholi zichroq joylashgan hududlarda amalga oshirishga qaror qilindi.
Keyinchalik, birinchi bosqichda «Rohat» aylanma yo`ligacha, ikkinchi bosqichda esa «Rohat» aylanma yo`lidan «Qo`yliq» bozorigacha bo`lgan ob`ektlar tashkil etish rejalashtirilgan.
“Mazkur binolarni sotib olish yoki ijaraga olish narxi turar-joy majmualarining birinchi qavatlaridagi noturarjoy ob`ektlariga nisbatan “ancha hamyonbop” bo`ladi. Bu erda do`kon, qahvaxona va o`yin maydonchalari tashkil etish mumkin”, deyiladi xabarda.
