Braziliyada maktabda sodir bo`lgan otishmada o`smir halok bo`ldi, yana ikki o`quvchi jarohat oldi, deb yozadi “Zakon.kz”.
Voqea San-Paula shtatining sharqiy zonasidagi davlat maktabida sodir etilgan.
"Davlat maktabiga 15 yoshli o`quvchi qurollanib kelib, o`quvchilarni otib tashladi. Jabrlanganlardan biri boshidan jarohat olgan va vafot etgan", - deyiladi xabarda.
San-Paula hukumatiga ko`ra, gumonlanuvchi voqea joyida qo`lga olingan.
Shtat rahbarlari voqeadan afsusda ekanliklarini bildirib, qurbonlarning oilalariga yordam berish ustuvor vazifa ekanini aytishdi.
Avvalroq Serbiya poytaxti Belgradda ettinchi sinf o`quvchisi otasining to`pponchasidan maktab o`quvchilariga qarata o`t ochgani xabar qilingandi. OAV o`shanda 9 kishi halok bo`lganini ma`lum qilgan.
