Isroilning falastinliklarga uyushtirgan hujumlari qurbonlari soni 5087 nafarga etdi. Bu haqda G`azo sektori Sog`liqni saqlash vazirligi o`zining Telegram-kanalida ma`lum qildi.
Vazirlik ma`lumotlariga ko`ra, halok bo`lganlar orasida 2055 nafar bola, 1119 nafar ayol va 217 nafar keksa kishi bor. Vazirlikning qayd etishicha, anklavga qilingan hujumlar natijasida 15 mingdan ortiq odam jarohatlangan. Boshqarma, shuningdek, 57 nafar tibbiyot xodimi halok bo`lgani va 100 nafari yaralangani haqida xabar berdi.
Isroil tomonida esa, urush boshlanganidan beri, ya`ni 7 oktyabrdan beri, so`nggi ma`lumotlarga ko`ra, 1,4 ming kishi halok bo`lgan, 4,9 ming kishi jarohatlangan.
