Ahloqsiz 28 yoshli o`zbek Muhammad Habibullaev Tokiodagi avtobusda yarim soatcha qizga tegajog`lik qilgan.
Qizning sukutini rozilik alomati deb qabul qilgan o`zbekistonlik fuqaro endi Yaponiya qonuni oldida javob beradi.
Bu haqda “Sukut saqlama” telegram kanali Yaponiya televideniesiga tayanib xabar bermoqda.
"Yaponiya telekanali reportajni QANDAY tayyorlaganiga e`tibor bering. Jinoyatchining yuzi yaqindan, bir necha marta ko`rsatildi. Yaponiya ommaviy axborot vositalari va jamiyati zo`ravonlarga toqat qilmasliklarini namoyish qilmoqda. Bizdagilarga o`xshab zo`ravon qo`lga olinganda hech kim yuzini "vijir-vijir" qilayotgani yo`q.
Zo`ravonlarga nisbatan murosasizlik mana shunday bo`lishi kerak. Bolalarga qarshi jinoyat sodir etgan har qanday odam butun mamlakat bo`ylab "mashhur" bo`lishi haqida bilib qo`yishi shart", deyiladi "Suqut saqlama" kanalida.
