O`zbekistonda har uchinchi bola yod tanqisligidan aziyat chekmoqda. Ba`zi hududlarda bu ko`rsatkich 80 foizgacha etadi.
Prezident qaroriga ko`ra, 3 yoshdan 15 yoshgacha bo`lgan barcha bolalar maktab va bog`chalarda yod preparatlari bilan bepul ta`minlanadi.
Shuningdek, har chorshanba umumrespublika yod ichish kuni etib belgilangan.
Hozirda Respublikada yod tanqisligi tarqalish darajasi 31 foizni tashkil etadi. Bu ko`rsatkich har uchta odamning birida yod etishmasligi degani.
O`zbekiston hududi okean va dengizlardan uzoqda joylashgan. Shuning uchun mamlakatimizda atrof-muhitda yod yo`q. Shu sababli, bizning aholimizda, shu jumladan bolalarda yod tanqisligi mavjud. Farzandlarimizning qariyb yarmi va ba`zi hududlarda bolalarning 80% gacha yod tanqisligidan aziyat chekadi
