Ramzan Qodirovning sog`lig`ida juda katta muammolar bor. Uning buyrak operasiyasi muvaffaqiyasiz bo`ldi. Bu haqda 14 sentyabr kuni rossiyalik muxolifatchi va Davlat dumasi sobiq deputati Gennadiy Gudkov Chechenistondagi yuqori martabali manbalarga tayanib xabar bergan.
Qodirov o`zining sog`lig`i keskin yomonlashgani haqidagi mish-mishlarga rad javobini bergan edi.
Ma`lumotlarga ko`ra, kasallik, xususan, Checheniston rahbarining o`zgargan qiyofasida fosh bo`lgan. Uning vazni og`irlashib, tanasi shishgan va nosog`lom ko`rinishga ega bo`lgan. Manbalar so`nggi paytlarda u o`zining ko`p vaqtini xorijda o`tkazayotganligini ta`kidlamoqda.
