Ijtimoiy tarmoqlarda ko`pqavatli uyning tom qismida maktab o`quvchilari yurganligi haqida xabar tarqaldi.
Voqea Chilonor tumandagi "2-Charx Kamolon" mahallasidagi ko`pqavatli uylardan birining tom qismiga chiqqan 2 nafar maktab o`quvchisining shaxsi aniqlangan. Bu haqda Toshkent shahar Chilonzor tuman hokimligi xabar berdi.
Rasmiy munosabatda aytilishicha, 128-maktabning 9 "A"-sinf o`quvchilari S.M va M.I lar atrofni tomosha qilish maqsadida ko`pqavatli uyning tom qismiga chiqishgan.
Tuman hokimligida bo`lib o`tgan tarbiyaviy tadbirda o`quvchilar hamda ularning ota-onalari, shuningdek mas`ullar ishtirok etishdi. Unda o`quvchilar yuqoridagi holatdan afsusda ekanliklarini bildirib, kechirim so`rashdi.
Ularning ota-onalar ham bolalarni bundan keyin qattiq nazorat ostiga olishlarini bildirgan.
Maktab ma`muriyati va tuman Bolalarni himoya qilish sho``basi mutasaddilariga o`quvchilarga nisbatan qonun doirasida tegishli chora ko`rish topshirildi.
