Davlat Dumasi deputati Evgeniy Fyodorov sobiq sovet respublikalarini “bahsli hududlar”, deb atagani haqida xabar bergan edik.
Oliy Majlis Qonunchilik palatasi Spikeri o`rinbosari Odiljon Tojiev rossiyalik deputat so`zlariga javob qaytardi.
"Rossiya Federasiyasi Davlat Dumasi deputati Evgeniy Fyodorovning shu kunlarda bergan bayonotlarini "g`oyat original", desak bo`ladi.
Xalq vakili o`zini geosiyosatning etuk mutaxassisi sifatida ko`rsatib, har xil hech kimga noma`lum “nazariyalar”ni keltiripti.
Uning aytishicha, Sovet Ittifoqini barcha respublikalar noqonuniy tark etgan, allaqanday 14/09-sonli qonunni buzgan holda. Aftidan, Fyodorov Konstitusiya barcha qonunlardan ustun ekanligini tushunmaydi. Modomiki, SSSR Konstitusiyasining 72-moddasida shunday deyilgan edi: “Har bir Ittifoq respublikasi SSSRdan erkin chiqish huquqini saqlab qoladi”.
Ustiga ustak, Fyodorovning mantig`iga amal qilinadigan bo`linsa, o`tgan shu 32 yil davomida Rossiya Federasiyasi nomidan ish tutgan Prezidentlar Elsin va Putin, Rossiya parlamenti va hukumati, Rossiya davlat hokimiyatining barcha institutlari bu respublikalar bilan noqonuniy munosabatlarda bo`lishgan. Ya`ni, ikki tomonlama (suveren tenglik asosidagi siyosiy-diplomatik, iqtisodiy, harbiy, madaniy va boshqa sohalardagi) aloqalarning barchasi hamda ko`p tomonlama formatlar, bitimlar, shartnomalar (MDHdan boshlab turli xil Shanxay shartnomalarigacha) noqonuniy edi. Bu holda, butun dunyoga ishonch bilan e`lon qilish mumkinki, bunday noqonuniy huquqiy makonda ishlaydigan Rossiya hokimiyat institutlari o`z mohiyatiga ko`ra noqonuniy hisoblanadi.
Shunday qilib, hurmatli deputat bilvosita, ammo nozik tarzda Rossiya davlatidagi barcha davlat hokimiyati institutlarini noqonuniy munosabatlari uchun tarqatib yuborishga chaqirdimi?
U hazillashyapti, hoynahoy",deydi Odiljon Tojiev.
