Yangi Toshkent shahrini barpo etish direksiyasi rahbari Davronjon Odilovning “Menimcha” ko`rsatuvida ma`lum qilishicha, loyihaga ko`ra ikkita metro liniyasi yangi shahar bilan bog`lanadi. “Buyuk ipak yo`li” va “Do`stlik” metro bekatlaridan 30-35 daqiqada yangi shaharga etib kelish imkoniyati yaratiladi.
Taqdimotdan ko`rinishicha, yangi shaharda tramvay tarmog`ini qurish ham rejalashtirilgan.
Shuningdek, ko`rsatuvda Shavkat Mirziyoevning mazkur loyiha haqidagi fikrlari keltirilgan.
“32 yil ichida birinchi marta namunaviy, jahon standartlariga mos loyiha qilyapmiz. Bu 300-400 yilga, nevara-chevara va kelgusi avlodlarimizga qolishi kerak, bizdan keyingi avlod ham buni davom ettirishi kerak”, – dedi davlat rahbari Yangi Toshkent shahri loyihasi bilan tanisharkan.
