O`zgidrometning poytaxtdagi stasionar postlari soat 16.00 va 17.00 orasida havo tarkibida mayda dispers chang zarrachalari bilan ifloslanish darajasi "zararli" ekani to`risida ma`lumot berdi. Sanepidqo`mita changli havodan himoyalanish bo`yicha tavsiyalar berdi.
Nima qilish kerak?
Ko`chaga iloji boricha kamroq chiqish;
Ishga, o`qishga, xarid uchun ko`chaga chiqqanda tibbiy niqob taqish va har 2 soatda almashtirish;
Ko`chadan uyga qaytgach dush qabul qilish (soch va yuz-ko`zlarni yaxshilab yuvish);
Kalit, ko`zoynak, telefon va sumkani namlangan salfetka bilan yaxshilab artish;
Ko`chaga kiyib chiqqan kiyimlarni yuvish;
Ustki kiyimlarni (kostyum, plash, palto va boshqalar) maska taqqan holda tashqarida yaxshilab qoqish;
Nim ta`sir etuvchi tuzli suv bilan tomoq va burunlarni tez-tez chayish;
Ko`proq suyuqlik (iliq) ichish, iloji bo`lsa ko`k choy, na`matak damlamasini ichish;
Yog`li, qovurilgan, dudlangan, tuzlangan, sho`r, achchiq taomlarni cheklash;
Suyuq sabzavotli taomlar, sut va sut mahsulotalari (qatiq, kefir va boshqalar), ko`katlarni iste`mol qilish.
Changni ko`p to`planishini oldini olish va uyni hamda yuzalarni to`g`ri tozalash kerak:
Uy, ishxona va mashina eshiklari va derazalarini zich yopish;
Chang yig`ilishi mumkin bo`lgan hamma narsalarni chang yutgich yordamida tozalash kerak (kovrolin, gilam, yumshoq mebel, yumshoq o`yinchoqlar va boshqalar). Yumshoq mebelni qoqishdan avval usti namlangan latta bilan o`ralishi tavsiya etiladi.
Chang yig`ilishi mumkin bo`lgan barcha yuzalarni (pol, shkaf, ishchi yuzalar va boshqalar) kun davomida bir necha marta namlangan latta bilan yaxshilab artish kerak;
Oyoq kiyimlarini eshik oldida qoldirish va imkon qadar tezroq yuvib qo`yish kerak;
Xona havosi optimal namligini ta`minlash: ho`l sochiqlarni xonalarga osish, kattaroq sig`imli idishlarga suv solib qo`yish kerak.
”Nafas yo`li surunkali kasalliklari bor yurtdoshlarimizga changli havoda tashqariga chiqmaslikni tavsiya qilamiz”, deyiladi xabarda.
