Evropa tiklanish va taraqqiyot banki O`zbekistondagi sobiq uran konlarida rekultivasiya ishlarini amalga oshirishda yordam beradi.
ERH doirasida ajratilgan 9 million evro miqdoridagi grant mablag`lari aniqlangan konlarini yopish, uran rudasini qayta ishlash uchun foydalanilgan tashlandiq ob`ektlarni buzish hamda Yangiobod va Chorkesar konlarida rekultivasiya ishlarini amalga oshirishga yordam beradi.
Sobiq uran ob`ekti mamlakat poytaxti Toshkentdan 75 kilometr sharqda joylashgan. Yangiobod shahri atrofidagi tog`li erlarda 7 ta kon mavjud. Mahalliy aholi o`rtasida O`zbek Alp tog`lari deb nomlanuvchi bu hudud rekultivasiya ishlarini amalga oshirilgandan so`ng, ekologik xavfsiz hududga aylanadi. Bu ko`plab sayyohlarni jalb qilishi, mehmondo`stlik va umumiy ovqatlanish sanoatini rivojlantirishga imkon beradi va shu bilan mahalliy uy xo`jaliklarini qo`llab-quvvatlaydi.
Chorkesar-2 koni uchastkasi Farg`ona vodiysida Toshkent shahridan 140 km sharqda va Namangan shahridan 60 km g`arbda joylashgan. Taxminan 25 gektarlik zararlangan maydonda 5 ta avval rekultivasiya qilingan otvallar va ikkita tashlandiq shaxta mavjud. Ob`ektdagi mavjud suv kanallar eskirgan.
ERH hozirda Markaziy Osiyodagi ettita ustuvor ob`ektdan beshtasini ta`mirlash uchun mablag` ajratdi (ulardan 3 tasi Qirg`iziston Respublikasida, 2 tasi O`zbekistonda va qolgan 2 tasi Tojikistonda).
