O`zbekiston Prezidenti Shavkat Mirziyoev Marokash Podshohi Muhammad VI ga ta`ziya yo`lladi. Bu haqda Prezident matbuot kotibi Sherzod Asadov ma`lum qildi.
Ma`lum qilinishicha, Marokash hududida yuz bergan kuchli zilzila oqibatida ko`plab odamlar qurbon bo`lgani va jiddiy jarohat olgani, katta talafotlar ko`rilgani munosabati bilan O`zbekiston Prezidenti Shavkat Mirziyoev Marokash Podshohi Muhammad VI ga ta`ziya yo`llagan.
Shuningdek, Shavkat Mirziyoev vafot etganlarning oila a`zolari va yaqinlariga ham hamdardlik bildirib, jabrlanganlar tez fursatda sog`ayib ketishini tilagan.
