Qarshi shahar IIO FMB 4-sonli IIB JXX HPG “Ravoq” mahallasi profilaktika inspektorining yordamchisi Murod Toshnazarov to`rt nafar egizak o`g`il farzandli bo`ldi. Bu haqda Qashqadaryo viloyati IIBB xabar qildi.
M.Toshnazarov 1992 yilda Koson tumanida tug`ilgan. 2018 yilda Qarshi davlat universitetini tamomlab, tumandagi 6-sonli o`rta maktabda ma`naviyatchi lavozimida ishlagan.
Ichki ishlar organlariga bo`lgan qiziqishi tufayli 2022 yilda Qarshi shahar IIO FMB 4-sonli IIB JXX HPG “Ravoq” mahallasi profilaktika inspektorining jamoat tartibini saqlash bo`yicha yordamchisi lavozimiga ishga qabul qilingan va shu kunga qadar ishlab kelmoqda.
Turmush o`rtog`i Maftuna Tosheva bilan 2019 yil oktyabr oyida turmush qurgan.
Joriy yilning 7 sentyabr kuni Toshkent shahridagi Respublika perenatal markazida 4 nafar o`g`il egizaklarni dunyoga keltirdi. Egizaklar sog`lom.
