Xabaringiz bor, qonunchilikka muvofiq, bir qator shaxslarga avtomobil benzini sotib olish xarajatlarining bir qismi oylik pul kompensasiyasi sifatida to`lanadi.
Hukumat huzuridagi Idoralararo tarif komissiyaning 2023 yil 31 avgustdagi qarori bilan ushbu turdagi kompensasiyaning yangi miqdori belgilandi. Bu haqda "O`zbekneftgaz" AJ axborot xizmati xabar bermoqda.
Unga ko`ra, benzin uchun kompensasiya miqdori 2023 yil III chorakdan boshlab 119 640 so`mni tashkil qiladi.
Eslatib o`tamiz, kompensasiya olish huquqiga ega bo`lgan shaxslar yashash joyi bo`yicha pensiya va nafaqalar tayinlanadigan organlarga murojaat qiladi.
Benzin uchun kompensasiya to`lovlari "O`zbekneftgaz" AJ tomonidan moliyalashtiriladi, deyiladi xabarda.
