Ta`lim tashkilotlariga qabul qilish bo`yicha davlat komissiyasi bayoni bilan 2023/2024-o`quv yili qabulida to`plagan ballari tasdiqlangan qabul parametrlari chegarasiga 4,05 ballgacha etmagan abiturientlar uchun bazaviy to`lov-kontrakt miqdori belgilandi. Bu haqda Oliy ta`lim, fan va innovasiyalar vazirligi Matbuot xizmati xabar bermoqda.
Unga ko`ra, to`plagan ballari tasdiqlangan to`lov-kontrakt bo`yicha qabul kvotalari chegarasiga:
1,05 ballgacha etmagan abiturientlar uchun — 1,5 barobar;
1,06 balldan 2,05 ballgacha etmaganlar uchun — 2,0 barobar;
2,06 balldan 3,05 ballgacha etmaganlar uchun — 2,5 barobar;
3,06 balldan 4,05 ballgacha etmaganlar uchun — 3,0 barobar.
