Toshkent shahrida elektrobus ishtirokida YTH sodir bo`lganligi hamda ushbu YTH natijasida tan jarohat olgan shaxslar borligi haqidagi xabar ijtimoiy tarmoqlarga sizdirildi.
Ushbu holat yuzasidan Toshshahartransxizmat Axborot xizmati xabar berdi.
Aniqlanishicha, joriy yilning 7 sentyabr kuni soat 17:20 atrofida "1 Avtobus saroyi" filiali tasarrufidagi Yutong rusumli 13T-sonli yo`nalishida harakatlanayotgan haydovchi G.I. boshqaruvidagi avtobus Bektemir tumani, Suvsoz dahasidan Toshkent vokzali Husayn Bayqaro ko`chasi Quyuv Mexanika zavodi qarshisida boshqaruvni o`ng tomonga burib, yo`l yoqasida turgan beton stolbaga urilishi natijasida yo`l-transport hodisasi sodir etilgan.
Mazkur YTHda elektrobusdagi yo`lovchilarning 5 nafari hamda haydovchi tan jarohati olgan va tibbiy yordam ko`rsatish uchun shifoxonaga yuborilgan.
Hozirda ushbu YTH bo`yicha Toshkent shahar IIBB YHXB xodimlari tomonidan surishtiruv ishlari olib borilmoqda.
