Ijtimoiy tarmoqlarda Prezidentning Samarqandga tashrifi doirasida ayni paytdagi viloyat hokimi Erkinjon Turdimov vazifasidan ozod etilishi haqida xabarlar tarqalmoqda.
Viloyat hokimligi matbuot xizmati rahbari Manuchehr Mirzaev ushbu xabarlar asossiz ekanini ma`lum qildi.
"Viloyat hokimi Erkinjon Turdimovning boshqa ishga o`tayotgani haqida tarqalgan xabarlar asossiz ekani ma`lum qilinadi. Ijtimoiy tarmoqlardagi kanal va sahifalarda bunday asoslanmagan axborotni tarqatmaslik so`raladi.
Viloyat rahbari o`z faoliyatini odatiy rejimda davom ettirmoqda. Keng jamoatchilikdan hech qanday asosga ega bo`lmagan, turli taxmin va talqinlardan iborat xabarlarga ishonmaslikni so`rab qolamiz", - deyiladi xabarda.
