Toshkentdagi aeroport yaqinidagi ko`prik qulashi bo`yicha reportaj tayyorlash uchun borgan markaziy telekanallardan birining jurnalisti va operatori qurilishga mas`ul shaxslardan biri tomonidan kaltaklangani haqida xabar bergan edik.
“O`zbekiston temir yo`llari” AJ rahbariyati OAV vakillariga zo`ravonlik ko`rsatib, ularga qarshi kuch ishlatgan xodim - “Ko`prikqurilish” tresti unitar korxonasi 67-Ko`prikqurilish otryadi ish boshqaruvchisi N.Eshniyazovning ishi ni keskin qoralaydi. Bu haqda tashkilotning rasmiy munosabatida so`z boradi.
Xabarda aytilishicha, mazkur holat yuzasidan zudlik bilan ishchi guruh tuzilib, bugunning o`zida N.Eshniyazov Mehnat kodeksining tegishli bandlariga asosan ishdan bo`shatilgan.
"“O`zbekiston temir yo`llari” AJ rahbariyati holat yuzasidan huquq-tartibot organlari qonunchilik normalariga asosan tegishli choralar ko`rishini qo`llab-quvvatlaydi", deyiladi munosabatda.
