9 avgust kuni mahalliy vaqt bilan soat 11:55da Eronning Qeshm Air aviakompaniyasining samolyoti Toshkent xalqaro aeroportiga qo`ndi.
Tehron — Toshkent — Tehron yo`nalishida parvoz qilgan Aibus A320 rusumli samolyot an`anaviy tarzda suv arkasi bilan kutib olindi.
Reyslar haftasiga bir marta — chorshanba kunlari amalga oshirilishi rejalashtirilgan.
Qeshm Air — shtab-kvartirasi Tehronda joylashgan Eron aviakompaniyasi bo`lib, 1993 yilda tashkil etilgan hamda mahalliy va xalqaro yo`lovchi reyslarini, shuningdek, charter reyslarini amalga oshiradi.
