Komissiya a`zolari 2022 yil 1-2 iyul kunlari Nukus shahridagi ommaviy tartibsizliklarni sodir etganlikda ayblangan shaxslarga nisbatan qo`zg`atilgan jinoyat ishlari bo`yicha o`tkazilgan birinchi instansiya sud muhokamalarida kuzatuvchi sifatida ishtirok etishgan edi.
Komissiyaga, ommaviy tartibsizliklarni sodir etganlikda ayblangan 22 nafar shaxsning ayrimlari tomonidan Komissiya a`zolari apellyasiya sudida ham ishtirok etishlari yuzasidan iltimosnomalar kelib tushgan.
2023 yilning 5 may kuni Oliy sud zalida 21 nafar shaxsga nisbatan apellyasiya sud jarayonlari boshlandi. Ma`lumot uchun: sudlanganlardan biri Polat Shamshetov vafot etgan.
Sud jarayonlarida Mustaqil komissiya a`zolari ishtirok etishmoqda.
Eslatib o`tamiz, avvalroq, Nukus voqealari bo`yicha sudlangan 16 kishining advokatlari sudga apellyasiya shikoyati kiritgani xabar qilingan edi.
