O`zbek balet san`atining etuk iste`dod egalaridan biri, O`zbekiston xalq artisti Hamraeva Guli Razzoqovna 76 yoshda vafot etdi. Bu haqda Madaniyat va turizm vazirligi ta`ziyanoma e`lon qildi
Guli Hamraeva Alisher Navoiy nomidagi O`zbekiston davlat akademik katta teatrining prima balerinasi, eng sara jahon va milliy klassik balet spektakllaridagi etakchi partiyalar ijrochisi, betakror iste`dod sohibasi, mehribon va jonkuyar ustoz sifatida butun umrini balet san`atini rivojlantirishga bag`ishlagan.
Uning “Baxchirayskiy fontan", ”Don Kixot“, ”Esmeralda“, ”Dilorom“, ”Amulet lyubvi“, ”Spartak" va boshqa ko`plab spektakllardagi etakchi partiyalari milliy balet xazinasidan munosib o`rin egallagan.
