Xalq deputatlari Sirdaryo viloyati Kengashi sessiyasida tashkiliy masala ham ko`rib chiqildi.
Prezident Sirdaryo viloyati hokimi lavozimiga hokim vazifasini bajarib kelayotgan Akmal Azimjonovich Maxmudaliev nomzodini tavsiya etdi.
Nomzod hududni ijtimoiy-iqtisodiy rivojlantirish bo`yicha rejalarini taqdimot qilgach, viloyat hokimini tayinlash masalasi ovozga qo`yildi. Ovoz berish natijalariga ko`ra, Akmal Mahmudaliev viloyat hokimi etib tasdiqlandi.
Yig`ilish davomida viloyatni yanada rivojlantirish istiqbollari muhokama qilindi, tumanlar hokimlarining rejalari tinglandi.
