Iqlim o`zgarishidan xavotirga tushgan belgiyalik erkak Eliza virtual suhbatdoshi bilan 2 oy muloqot qilgach, o`z joniga qasd qildi. Bu haqda "zamon.uz" yozmoqda.
Uning bevasining aytishicha, u sayyorani qutqarish uchun o`zini qurbon qilish haqida gapira boshlagach, sun`iy ong uni o`z joniga qasd qilishga ko`ndirishni boshlagan.
Xabar qilinishicha, ismi sir saqlanayotgan erkak sog`liqni saqlash sohasida tadqiqotchi bo`lib ishlagan va suisidga moyilligi bo`lmagan.
U muntazam suhbatlashgan Eliza sun`iy ongning GPT-J til modelidan foydalanadi, bu EleutherAI kompaniyasining ochiq kodli tizimidir.
