Toshkentning Mirobod tumanidagi "Movarounnahr" mahallasida o`zlarini “Sanitariya-epidemiologik osoyishtalik va jamoat salomatligi xizmati tuman bo`limi xodimimiz (SES)” deya tanishtirib, turli hasharotlarga qarshi dorilarni pullayotgan shaxslar paydo bo`lgani aytilmoqda. Xabarlarga ko`ra, soxta SES xodimlari deya tanishtayotganlar firibgarlik yo`li bilan kelib chiqishi noma`lum dorilarni sotishmoqda
Sanitariya-epidemiologik osoyishtalik va jamoat salomatligi xizmati holatga aniqlik kiritdi.
Unga ko`ra, “soxta SES xodimlari” Sanitariya-epidemiologik osoyishtalik va jamoat salomatligi xizmati Toshkent shahar boshqarmasi, Toshkent shahar Dezinfeksiya stansiyasi va tuman hududiy bo`limlarida faoliyat yuritmasligi ma`lum bo`ldi.
"Yuqoridagi ko`ngilsiz holatga duch kelsangiz, avvalo zararsizlantiruvchi vosita sotayotgan fuqarolardan:
- xizmat guvohnomasi;
qaysi tashkilot yoki boshqarmada faoliyat yuritishi;
zararsizlantiruvchi vosita sotishi va sotib olishingizga asos so`rashga haqli ekanligingizni unutmang", deyiladi xabarda.
