Moskvada o`gay otasi tomonidan tahqirlab kelingan 7 yoshli bolaning barmoqlari kesib tashlandi. Bu haqda "Novosti Moskv" nashri xabar bermoqda.
Bola 13 yanvar kuni Balaklavskiy ko`chasida joylashgan kvartiradan shifoxonaga olib kelingan. Uning barmoqlari muzlab qolgan edi. Bolaning ota-onasiga ko`ra, u qo`lqoplarsiz qorbola yasagan. Moskvada shu kunlarda qattiq sovuq kuzatilgandi. Moskva bo`yicha Tergov bosh boshqarmasi holat yuzasidan tergov harakatlarini olib bormoqda.
Ekspertiza o`gay ota bolani muntazam tahqirlab, kaltaklab kelganini va bu o`z navbatida jiddiy jarohatlarni yuzaga keltirganini ko`rsatgan. Bolaning onasi va o`gay otasi — O`zbekiston fuqarolari. Ularning ikkisi ham Moskvada ijrada yashaydi, ayol kommunal xizmatda hovli tozalovchi bo`lib ishlasa, erkak — chilangarlik qiladi.
