Ijtimoiy tarmoqlarda Andijon shahrida 21 yanvar kuni mahalliy aholi mashinalar yo`lini to`sib qo`ygani aytilgan xabarlar tarqaldi.
Shahar hokimligi ushbu xabarlarni rad etdi.
Ta`kidlanishicha, mazkur mahalla temiryo`l vokzali yaqinida joylashgan bo`lib, yo`l to`silishi aslida yo`l o`tkazgich qurilishi bilan bog`liq. Lavhadagi fuqarolar elektr energiyasida ro`y bergan nosozlik sabab mutasaddilar bilan suhbatlashishga yig`ilgan.
"Video tarqalishidan 30 daqiqa oldin mahallada elektr nosozligi bartaraf etilishi boshlangan. Aholini issiq choy, qahva hamda eguliklar bilan ta`minlash ishlar ham tashkil etilgan. Yaqin soatlar ichida ta`minot tiklanadi. Yo`l qurilish ishlari esa loyiha bo`yicha davom etadi", - deyiladi xabarda.
