Energetika vazirligi mamlakatimizda hukm surayotgan sovuq ob-havo tufayli aholi tomonidan gaz va energiyaga bo`lgan ehtiyoj ortishi hamda ko`rilayotgan choralar yuzasidan aholiga murojaat qildi.
"Energiya resurslaridan oqilona va imkon qadar tejamkorlik bilan foydalanish muhim omil hisoblanadi. Buning uchun imkon qadar xonadonlarda bittadan ortiq elektrda ishlaydigan isitish qurilmalaridan foydalanmaslik, korxonalar va tashkilotlar xodimlarini vaqtincha onlayn ish rejimiga o`tkazish, ortiqcha ko`cha chiroqlarini, reklama ekranlari va illyuminasiyalar, shu jumladan, qurilishi tugallanmagan binolardagi chiroqlarni o`chirish lozim", – deyiladi vazirlik murojaatida.
