Ularning 3 nafari reanimasiyada...
Sirdaryo viloyatida ham “Dok-1 Maks” siropidan 7 bemor zaharlandi. Ularning 4 nafari sog`aygan, 3 nafari ayni vaqtda jonlantirish bo`limida qolmoqda. Bu haqda viloyat Sog`liqni saqlash boshqarmasi boshlig`i o`rinbosari Oltinoy Esonova ma`lum qildi.
U ota-onalardan ushbu dori vositasini sotib olmaslik, ichirmaslikni so`ragan. Shuningdek, viloyatda 6 yoshgacha bo`lgan bolasi bor oilalarga xabarnomalar tarqatilganini aytgan.
U, shuningdek, bolalarda xolsizlik, ko`ngil aynishi, qusish, tana haroratining ko`tarilishi kuzatilsa shifokorga murojaat qilish zarurligini eslatgan.
Eslatib o`tamiz, 2023 yil 2 yanvar kuni Farg`onada 3 yashar bola “Dok-1 Maks” siropini ichishi oqibatida doridan o`tkir zaharlanish tashxisi bilan davolanayotgan bolakay vafot etgani aytilmoqda.
