Bu haqda FVV xabar berdi. avtohalokat bugun, 18 noyabr kuni soat 19:25 da "Qamchiq" dovonining 229,2 km yuz bergan.
"Toshkent-Vodiy" yo`nalishida harakatlangan "DAF" rusumli yuk avtomobili haydovchisi boshqaruvni yo`qotib, yo`lning o`ng tomoniga ag`darilgan va yo`lni berkitib shu yo`nalishdagi harakatni to`xtatib qo`ygan. Yuk mashinasida haydovchining o`zi bo`lgan. Hodisa oqibatida hech kim tan jarohati olmagan.
Voqea joyiga zudlik bilan "Qamchiq" Maxsus qidiruv, yong`in-qutqaruv boshqarmasi qutqaruvchilari etib borgan. Vaziyat oqibatlari maxsus texnikalar yordamida bartaraf etilgan.
Ta`kidlanishicha, dovon yo`li avtomobillar harakati uchun ochiq, ikki tomonlama harakat davom etmoqda.
