Ichimlik suvidan qarzdorlikni yopib berishni va`da qilgan nazoratchi-inspektor ushlandi. Bu haqda Bosh prokuratura huzuridagi Departament xabar qilmoqda.
Departamentning Boyovut tuman bo`limi tomonidan DXX xodimlari bilan xamkorlikda o`tkazilgan tezkor tadbirda, “Sirdaryo suv ta`minoti” MChJ Guliston shahar bo`limi nazoratchi-inspektori E.M. fuqaro D.Q.ning xonadonining 3,7 mln so`m ichimlik suvidan qarzdorligini yopib berish evaziga 1,7 mln so`mni olgan vaqtda ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo`zg`atilib, tergov harakatlari o`tkazilmoqda.
