Surxondaryoning olis hududlaridagi o`quvchilar maktabga qatnashi uchun avtotransport ajratildi. Bu haqda viloyat Xalq ta`limi boshqarmasi xabar berdi.
Xalq deputatlari Surxondaryo viloyati Kengashining qarori bilan 26 ta maktabga 26 ta "Damas" rusumli avtomashinalari berildi.
Ular viloyatdagi sharoitlari mavjud bo`lmagan maktab filiallarida ta`lim olayotgan o`quvchilarni asosiy maktablarga etkazish uchun mo`ljallangan.
“Kunning jaziramasi, qishning qahratonida olis maktablarga qatnaydigan 789 nafar o`g`il-qizlarning quvonchi cheksiz. Ular barcha sharoitlari mavjud maktablarga transport vositasida qatnashadi”, - deyiladi xabarda.
Viloyatdagi 26 ta ta`mirtalab maktab filialining faoliyati tugatilgan.
