O`zbekistonda "Oliy ta`lim a`lochisi" hamda "O`rta maxsus va professional ta`lim a`lochisi" ko`krak nishoni yaratildi.
Hukumatning 24 oktyabrdagi qarori bilan ta`sis etilgan mazkur ikki nishon bilan oliy, o`rta maxsus va professional ta`lim sohasida fidokorona mehnat qilayotgan, sog`lom va barkamol avlodni voyaga etkazish, yosh avlodni Vatanga muhabbat va sadoqat ruhida tarbiyalash borasida alohida namuna ko`rsatib, soha rivojiga munosib hissa qo`shib kelayotgan fuqarolar taqdirlanadi.
Ularga mazkur nishon 1 oktyabr - O`qituvchi va murabbiylar kuni arafasida tuhfa qilinadi.
