Amerika urushni o`rganish institutining kundalik hisobotining asosiy qismi Qrim ko`prigidagi portlashga bag`ishlangan. Bu haqda Bi-bi-sining rus xizmati ma`lum qildi.
Mutaxassislarning taxminicha, agar Rossiya ko`prikni tezda tiklashga muvaffaq bo`lsa ham, sabotaj Rossiya texnikasi va xodimlarining harakatlanishida kechikishlarga olib keladi.
Ta`kidlanishicha, portlash Qrim bilan aloqa liniyalarining uzoq muddatli uzilishiga olib kelmaydi, ammo uning oqibatlari bir muncha vaqt Rossiya logistikasidagi muammolarni yanada kuchaytirishi mumkin. Yo`l ko`prigining qulagan chizig`i ko`prik ta`mirlanmaguncha rus harbiylarining harakatini cheklaydi.
Rossiya kuchlari hali ham og`ir harbiy texnikani temir yo`l orqali tashish imkoniyatiga ega bo`lishi mumkin. Shu bilan birga, ko`prikdan o`tayotgan barcha transport vositalarida xavfsizlik nazorati kuchaytiriladi va bu Rossiya harbiy texnikasi, shaxsiy tarkibi va yuklarining Qrimga olib o`tishini kechiktirishga olib keladi.
Kreml Putinning obro`sini saqlab qolish uchun Mudofaa vazirligini ko`prikdagi portlash va boshqa Rossiya harbiy muvaffaqiyasizliklarida aybdor qilib qo`yishi mumkin. Vazirlik hozircha hodisa yuzasidan rasmiy bayonot bermagan.
Rossiya axborot makonidagi urushning ayrim tarafdorlari Putin va uning yaqin doiralari katta ramziy ahamiyatga ega bo`lgan ko`prikdagi portlashga darhol javob bera olmaganini ta`kidlashgan. Ba`zilar birinchi marta Putinni to`g`ridan-to`g`ri tanqid qilishgan. Bunga misol tariqasida ekspertlar "Zapiski veterana" kanalidagi nashrni keltirmoqda, unda Rossiyadan javob yo`qligi "prezidentning o`zining zaifligi" sifatida qabul qilinishini ta`kidlanadi.
Rossiyalik blogerlar va targ`ibotchilar Kremlni Ukraina infratuzilmasiga zarbalarni qaytadan boshlashga chaqirdi. Biroq ekspertlarning qayd etishicha, ular Ukrainaga qarshi taktik yadro qurolidan foydalanishni taklif qilmaganlar.
