Turkiya prezidenti rasmiy vakili Ibrohim Kalin Rossiya va Ukraina o`rtasida muzokaralar qayta boshlanishi mumkinligini aytdi.
Uning so`zlariga ko`ra, Moskva va Kiev muzokaralari to`xtab qolishi oldindan aniq bo`lgan. Shu bilan birga u qaysidir darajada tiklanadi.
"Masala shundaki, muzokaralarga qachon qaytiladi va bu vaqtda vayrongarchilik qay darajada bo`ladi", — degan Kalin.
Erdog`anning vakili Kreml G`arb bilan yangi kelishuvga erishishga harakat qilayotganini ta`kidlagan.
"Shubhasiz, bu Ukrainaga taalluqli. Ammo katta masshtabda bu Rossiya va G`arb dunyosi o`rtasidagi kelishuv hisoblanadi", — deb qayd etgan siyosatchi.
Seshanba kuni Vladimir Zelenskiy Rossiya prezidenti Vladimir Putin bilan muzokara o`tkazmasligini ma`lum qildi.
