Saudiya Arabistoni podshosi Salmon bin Abdulaziz al Saud valiahd shahzoda Muhammad bin Salmonni mamlakat hukumati rahbari etib tayinladi. Bu haqda "Zamon.uz" yozmoqda.
Bunga qadar u bosh vazir o`rinbosari va mudofaa vaziri lavozimini egallab kelayotgan edi.
Davlat rahbari Muhammad bin Salmonga uzoq yillar davomida amalda bajarib kelgan vazifalarini rasman yukladi. Ayrim kuzatuvchilar Salmon bin Abdulaziz o`z vakolatlarini bosqichma-bosqich o`g`liga topshirishni boshlaganini ta`kidlagan.
Shuningdek, hukumatning yangi tarkibi ham tasdiqlangan. Unga ko`ra, yana bir shahzoda Xolid bin Salmon mudofaa vaziri etib tayinlangan. Bungacha u vazir o`rinbosari bo`lib kelayotgandi. Energetika va tashqi ishlar vazirlari o`z lavozimini saqlab qolgan.
