“FlyNas” aviakompaniyasiga Jidda – Toshkent – Jidda yo`nalishida muntazam aviaqatnovlarni amalga oshirish uchun ruxsatnoma berildi. Bu haqda Transport vazirligi Axborot xizmati xabar bermoqda.
Ma`lum qilinishicha, “O`zaviasiya” agentligi tomonidan 2022 yil 26 avgustda “FlyNas” (Saudiya Arabistoni) aviakompaniyasining 2021 yil 25 iyundagi 12-K-sonli Ekspluatasion ruxsatnomasiga O`zbekiston Respublikasiga muntazam reyslarni amalga oshirish uchun yangi Jidda – Toshkent – Jidda yo`nalishi kiritildi.
Aviakompaniya Jidda – Toshkent – Jidda yo`nalishida haftasiga uch marotabadan parvozlarni amalga oshirishni rejalashtirgan.
“FlyNas” aviakompaniyasi O`zbekiston Respublikasiga muntazam parvozlarni Airbus 320 havo kemalarida amalga oshiradi.
