Abiturientlari talaba bo`lish foizi bo`yicha Qorako`l tumani mamlakatda etakchi bo`ldi

Ushbu ko`rsatkich bo`yicha Buxoro viloyatining Qorako`l tumani eng yuqori natijani qayd etdi. Tumandagi 4 ming 734 nafar abiturient yoshlarning 30,3 foizi, ya`ni 1 ming 435 nafari talaba bo`lish baxtiga muyassar bo`ldi. Darhaqiqat, Qorako`l tumanidagi ta`lim sifati ancha yuqoriligi hech kimga sir emas. O`zbekiston Xalq o`qituvchisi rahmatli To`xtamurod Jumaev asos solgan «Qorako`l maktabi» va ta`lim berish metodologiyasi butun O`zbekistonga, hattoki boshqa davlatlarga ham mashhur desak, mubolag`a bo`lmaydi.

Masalan, joriy yilda Qorako`l xalqaro matematika maktabini bitirgan 74 nafar o`quvchining barchasi 100% talaba bo`lgan bo`lsa, Qorako`l akademik liseyining 220 nafar bitiruvchilaridan 217 nafari (98,6%) talaba bo`lgan.

E`tiborli tomoni, talab bo`lish foizi bo`yicha 2 va 3-o`rinlarni ham Buxoro tumanlari egallagan. Olot tumani abiturient yoshlarining 29,9 foizi, G`ijduvon abiturientlarining 29,1 foizi talaba bo`lishgan.

TOP-20 reytingga qaraydigan bo`lsak, Buxoroning 7 ta, Farg`onaning 6 ta tumani eng yaxshi ko`rsatkichga ega bo`lgan.

Quyida abiturientlari talaba bo`lish foizi bo`yicha TOP-20 reyting bilan tanishishingiz mumkin:

1.  Qorako`l  —  30,3%
2.  Olot  —  29,9%
3.  G`ijduvon  —  29,1%
4.  Qiziltepa  —  28,5%
5.  Shofirkon  —  28,2%
6.  Bog`dod  —  28,1%
7.  Buvayda  —  28%
8.  Peshku  —  27,9%
9.  Kegeyli  —  27,8%
10. Vobkent  —  27,4%
11. Nukus  —  27,3%
12. Qanliko`l  —  27,2%
13. Navoiy sh.  —  26,4%
14. Mirzo Ulug`bek  —  26,3%
15. Dang`ara  —  26%
16. Buxoro sh.  —  25,9%
17. Rishton  —  25,8%
18. Konimex  —  25,6%
19. Yozyavon  —  25,5%
20. O`zbekiston t.  —  25,2%