Bosh prokuratura huzuridagi Departamentning Qarshi shahar bo`limi tomonidan tergovga qadar tekshiruv o`tkazildi.
Unda, “A.B.” MChJ tomonidan Qarshi shahar Obodonlashtirish boshqarmasi bilan tuzilgan pudrat shartnomasiga asosan “Navo” MFY hududidagi ko`p qavatli turar-joy binolari atrofini obodonlashtirishda qurilish-ta`mirlash ishlari bo`yicha hujjatlarga amalda bajarilmagan ishlarni qo`shib yozish orqali 573,2 mln so`m o`zlashtirish yoki rastrata qilish yo`li bilan talon-toroj qilinganligi aniqlangan.
Mazkur holat yuzasidan Jinoyat kodeksining 167-moddasi (o`zlashtirish yoki rastrata yo`li bilan talon-toroj qilish) va 209-moddasi (mansab soxtakorligi) bilan jinoyat ishi qo`zg`atilib, tergov harakatlari o`tkazilmoqda.
